Buqalarni oziqlantirish. Qoramollarni go‘sht uchun o‘stirish va burdoqilash.

Buqalarni oziqlantirish. 

Buqalarni oziqlantirishda ularning tirik vazni yoshi, semizlik darajasi, foydalanish davriga qarab energiya, to’yimli moddalar, minerallar va vitaminlarga bo’lgan me‘yor talablarini to‘liq qondirishni ta‘minlash kerak. Buqalarga iloji boricha hajmi kichik, to‘yimli oziqalar berish uning jinsiy faolligiga garov bo‘ladi. 

Urug’ining sifati esa buqalarni me’yorda protein, mineral moddalar va vitaminlar bilan ta’minlanishiga bog‘liq. Ularning semizlik darajasi (zavod) oziqlantirish orqali nazorat qilib boriladi. Shu bois oriq va yosh buqalarga kuniga 1-1,5 oz. birligi qo’shib beriladi. 

O’rtacha buqaning 100 kg tirik vazni hisobiga qochirish mavsumidan oldin 0,8-1,1 oz. birligi yoki 8,3 – 12,6 Mdj almashinuvchi energiya; o‘rtacha foydalanganda 0,9-0,12 oz. birligi yoki 8,9- 22,6 Mdj almashinuvchi energiya; jadal foydalanganda esa 1,0-1,3 oz. birligi yoki 10,6-16,2 Mdj almashinuvchi energiya beriladi. 

1 oz. birligi tarkibida qochirishda foydalanilmagan davrda 100 g, o’rtacha foydalanilganda 125 g, jadal foydalanilganda 145 g hazmlanuvchi protein beriladi. Ratsion quruq moddasi tarkibida qand qochirishda foydalanilmaganda 7%, o’rtacha foydalanilganda 9,4 va jadal foydalanilganda 12,4%, qandning kraxmalga nisbati 1:1,1-1,2, qand protein nisbati 1:0,8-1,2 bo‘lishi kerak. 

Quruq modda tarkibida kletchatka 20-25 % ni tashkil etishni talab qilinadi. Buqalarni oziqlantirishda ratsionning to’laqiymatligi doimo nazorat qilib boriladi, kerak paytda unga o‘zgartirishlar kiritiladi. 

Buqalar 100 kg vazniga bir sutkada: qishda pichan 0,8-1,2 kg, silos yoki senaj 0,8-1kg, ildizmevalar 1-1,5 kg, don 0,2-0,5 kg va yozda ko‘k oziqalar 2-2,5 kg, pichan 0,4-0,5 kg, yem 0,2-0,5 kg berish tavsiya etiladi.

Qoramollarni go‘sht uchun o‘stirish va burdoqilash. 

Yosh qoramollarni oziqlantirish, kuniga 700-750 g semirtirishga erishish, 14-18 oyligida 400-500 kg tirik vaznni ta’minlash yuzasidan olib boriladi. Oziqlantirish me’yori ortishi bilan kunlik semirish ortadi, 1 kg semirish uchun oziqa sarfi kamayadi. 

Qoramollarni go’sht uchun o’stirish va burdoqilashda ratsionlar 24 ko’rsatkichi bilan tenglashtiriladi. 

Buzoqlarga sut davrida 50-60 kg qaymog’i olinmagan sut berib qolgan qismini sun’iy sut bilan almashtirish zarar keltirmaydi. 2-3 oydan sut oziqalarning nisbati kamaytirib o’simlik oziqalar nisbatini ko’paytirib, keyinchalik butunlay sut oziqalarini ratsiondan chiqarish iqtisodiy samara beradi. 

Birinchi 3 oyda ratsiondagi har bir oziqa birligiga 125 g hazmlanuvchi protein to’g’ri kelishi kerak. 

5-6 oylik buzoqlarga 1 kunda 1,2-2 kg pichan, 6-7 kg silos, 2-3 kg lavlagi, 1.2-2 kg yem, 30 g osh tuzi va 20 g oziqa bo’ri beriladi. 

3 oylikkacha ratsionda xom kletchatka nisbati 10-12% dan, 4-6 oyligida esa 14-16% dan oshib ketmasligi kerak. 

6 oydan katta qoramollarni go’sht uchun o’stirishda tirik vazn va sutkalik semirishga qarab oziqlantirish me’yori o’rnatiladi. 

Jadval 

Kunlik 1000 g vazn oshishi uchun yosh qoramollarni oziqlantirish me’yori 1 boshga bir kunda 

6 oylikdan keyin jadal o’sish jarayonida ratsion quruq moddasi tarkibidagi 18-20% burdoqilashning yakunlovchi davrida esa 15-16% xom kletchatka kerak.

Бузоқ, тана ва ғунажинлар учун яхши ўсиши учун Австриянинг “LIKRA Tierernährung” премикларини тавсия қиламиз

Ли-РМ 1000. Янги туққан сигирларнинг сут келишини барқарорлаштириш учун мос келади. Таркибида Са юқори миқдорда. Бундан ташқари бузоқлар ва бўрдоқига боқилаётган моллар учун ҳам тўғри келади.